Marot, Clément (1496 - 1544) Epigramme de Oui et de Nenny Un doulx Nenny avec un doulx soubzrire Est tant honneste, il le vous fault apprendre Quant est d’Ouy, si veniez à le dire, D’avoir trop dict je vouldroys vous reprendre ; Non que je soys ennuyé d’entreprendre D’avoir le fruict dont le desir me poinct ; Mais je vouldroys qu’en le me laissant prendre Vous me disiez : ‘Non, vous ne l’aurez point.’