Marot, Clément (1496 - 1544) Chanson (Ne sçay combien...) Ne sçay combien la haine est dure, Et n’ay desir de le sçavoir ; Mais je sçay qu’amour, qui peu dure, Faict un grand tourment recevoir. Amour autre nom deust avoir ; Nommer le fault fleur ou verdure Qui peu de temps se laisse veoir. Nommez le donc fleur ou verdure Au cueur de mon leger amant ; Mais en mon cueur qui trop endure, Nommez le roc ou dyamant : Car je vy tousjours en aymant, En aymant celuy qui procure Que Mort ne voyse consommant.