Marot, Clément
(1496 - 1544)
Chanson (Qui veult...)
Qui veult avoir liesse
Seulement d’un regard
Vienne veoir ma maistresse
Que Dieu maintienne et gard :
Elle a si bonne grace,
Que celluy qui la veoit
Mille douleurs efface,
Et plus s’il en avoit.
Les vertus de la belle
Me font esmerveiller ;
La souvenance d’elle
Faict mon cueur esveiller ;
Sa beauté tant exquise
Me faict la mort sentir ;
Mais sa grace requise
M’en peult bien garantir.
|
|
|