Ronsard, Pierre de (1524 - 1585) Le soir qu’Amour vous fist en la salle descendre Pour danser d’artifice un beau ballet d’Amour, Vos yeux, bien qu’il fus nuict, ramenerent le jour, Tant ils sceurent d’esclairs par la place respandre. Le ballet fut divin, qui se souloit reprendre, Se rompre se refaire, et tour dessus retour Se mesler s’escarter se tourner à l’entour, Contre-imitant le cours du fleuve de Meandre : Ores il estoit rond ores long or’ estroit, Or’en poincte en triangle en la facon qu’on voit L’escadron de la Grue evitant la froideure. Je faux, tu ne dansois, mais ton pied voletoit Sur le haut de la terre : aussi ton corps s’estoit Transformé pour ce soir en divine nature.