En riens que Beguine die
n'entendeiz tuit se bien non:
tot est de religion
quanque hon trueve en sa vie.
sa parole est prophetie,
s'ele rit, c'est compaignie,
s'el pleure, devocion,
s'ele dort, ele est ravie,
s'ele songe, c'est vision,
s'ele ment, n'en creeiz mie.
Se Beguine se marie,
s'est sa conversacions:
ces veulz, sa prophecions
n'est pas a toute sa vie.
Sest en pleure et cest en prie,
et cest an panrra baron.
Or est Marthe, or est Marie,
or se garde, or se marie.
Mais n'en dites se bien non:
li roix no sofferoit mie.
|